តើហេតុអ្វីបានជា កញ្ញា Maiya សាកសមបំផុតក្នុងការក្លាយជាម្ចាស់មកុដកម្មវិធីMiss Queen Cambodia 2023?

កញ្ញា Maiya ក្លាយជាម្ចាស់មកុដកម្មវិធីMiss Queen Cambodia 2023 ហើយពិតជាអស្ចារ្យណាស់នៅរាត្រីគ្រងមកុដកម្មវិធីMiss Queen Cambodia 2023 ដែលមានការចូលរួមយ៉ាងច្រើនកុះករ រង្គើរផ្សារទំនើប​អូឡាំព្យា ដោយបេក្ខភាព Miss Queen Cambodia ឆ្នាំនេះសុទ្ធតែខ្លាំង។ 

អ្វីដែលកាន់តែពិសេស កញ្ញា Maiya បានទទួលជ័យលាភីសម្រាប់ការប្រកួតនេះ ហើយក្លាយជា Miss Queen Cambodia 2023 ឆ្លងកាត់នៅការដាក់ពិន្ទុពី​គណៈ កម្មការ​ ក្នុងការឆ្លើយសំនួរវគ្គផ្តាច់ព្រ័ត្រ និងពិន្ទុផ្សេងៗទៀតជាដើម។

អ្វីដែលគួរឲ្យកត់សំគាល់ រាល់គ្រប់ឈុត​ របស់ កញ្ញា Maiya ក្នុងនោះដូចជា ឈុត​ Evening Gown កាលពីការប្រកួតបឋម និងវគ្គផ្តាច់ព្រ័ត្រ សុទ្ធតែប្រណិត ទាក់ទាញ ប្លែក ឆ្នៃប្រឌិត មិនធម្មតា បូករួមជាមួយសម្រស់ ភាពជឿជាក់ សមត្ថភាព ចំណេះដឹង ភាពជឿជាក់ ការប្រាស្រ័យទាក់ទងល្អ ទំនុកចិត្តពីខាងក្នុងរបស់កញ្ញា ទើបធ្វើឲ្យកញ្ញាទទួលបានជ័យលាភី។

ដោយឡែកបើយើងក្រលែកទៅមើលពីបទពិសោធន៍ និងសកម្មភាព សប្បុរសធម៌របស់កញ្ញាវិញ គឺកញ្ញា​ Maiya បានចូលរួម ឧបត្ថម្ភ ចែកអំណោយ ទៅតាមអង្គការ ស្ថាបនជាច្រើន តាំងពីកញ្ញា ចាប់ផ្តើមចូលរួមវិស័យបរវកញ្ញា ក្នុងឆ្នាំ២០២០ មកម្លេះ។ ម្យ៉ាងវិញទៀត កញ្ញា Maiya អាចថាជាបរវកញ្ញាម្នាក់ក្នុងចំណោម បរវកញ្ញាដែលជាអ្នក ពរពេញទៅដោយ ទំនាក់ទំនងល្អ ទាំងក្នុងសង្គម និងវិស័យសិល្បៈ។ មិនត្រឹមតែប៉ុណ្ណោះ ទាក់ទងចំណេះដឹងលើការឆ្លើយសំនួរ ចំនេះដឹងទូទៅ ផ្សេងៗ កញ្ញាបានយល់ដឹងច្រើន និងមានបទពិសោធន័ច្រើនគួរឲ្យកត់សំគាល់។

ដើម្បីក្លាយជាម្ចាស់មកុដកម្មវិធី Miss Queen Cambodia 2023 នេះ កញ្ញា Maiya បាន ប្រតិបត្តិខ្លួនយ៉ាងខ្ជាប់ខ្ជួន គ្រប់ទាំង២៥ចំនុចដែល បរវកញ្ញាត្រូវតែមាន និងប្រកាន់ភ្ជាប់។

ហើយចំពោះការប្រកួតលើឆាកវិញ កញ្ញាមានភាពលេចធ្លោទាំង ឈុតសម្លៀកបំពាក់ ដំណើរ Facewalk ទឹកមុខ ភាពជឿជាក់ ចេញពីខាងក្នុង ដែលបង្ហាញថាជា Queen of Beauty Pageant។ អ្វីដែលធ្វើឲ្យមកុដបរវកញ្ញាភេទទី៣កម្ពុជា ត្រូវតែបានទៅកញ្ញា Maiya នោះគឺ ការឆ្លើយនូវសំនួរចុងក្រោយរបស់កញ្ញា Maiya “ តើហេតុអ្វីកញ្ញាត្រូវតែជា ម្ចាស់មកុដក្នុងកម្មវិធី Miss Queen Cambodia 2023 នេះ”  កញ្ញា Maiya បានឆ្លើយដោយមិនរុញរា ស្ទាក់ស្ទើរ បែប បង្ហាញពីអារម្មណ៍ពិត ដ៏ល្អឥតខ្ចោះ និងភាពជឿជាក់ ថា “ បានជានាងខ្ញុំអាចក្លាយជាម្ចាស់មកុដ ក្នុងរាត្រីនេះពីព្រោះ នាងខ្ញុំមានភាពស្រស់ស្អាតប្រកបដោយទំនុកចិត្ត វេទិកាមួយនេះបានជំរុញឲ្យនាងខ្ញុំចូលរួមការលុបបំបាត់ការរើសអើងភេទនៅកម្ពុជា នាងខ្ញុំនឹងប្រើសម្លេងរបស់នាងខ្ញុំដើម្បីជំរុញដល់យុវវ័យឲ្យក្លាយជាសរសរដ៏រឹងមាំនៅកម្ពុជា និងងាកមកជួយការងារសង្គម នាងខ្ញុំមានគោលដៅក៏ដូចជាការជំរុញឲ្យប្រជាជនកម្ពុជាភាពជឿជាក់លើខ្លួនឯង ធ្វើអ្វីជាខ្លួនឯង និងសម្រេចក្តីសុបិន្តខ្លួនឯង  ដូច្នេះនាងខ្ញុំគិតថា នាងខ្ញុំតែម្នាក់គត់ដែលសាកសមក្លាយជាម្ចាស់មកុដMiss Queen Cambodia 2023 នេះ”។