កម្ពុជា ឈ្នះជ័យលាភីប្រវត្តិសាស្ត្រនៅ Mister Universe និង Mister Teen Universe 2025 ប្រទេសឥណ្ឌា

ភ្នំពេញ, ថ្ងៃទី ២១ សីហា ២០២៥ –

លោក មឿន លីហេង និងលោក កាវីន គឺជាបេក្ខជនកំពូលប្រាំនាក់ចុងក្រោយ TOP 5 នៃកម្មវិធី Mister International Cambodia 2025 ត្រូវបានស្ថាប័នរៀបចំបញ្ជូូនទៅចូលរួមកម្មវិធីប្រឡង Mister Universe និង Mister Teen Universe 2025 ដែលបានរៀបចំនៅទីក្រុង Lucknow ប្រទេសឥណ្ឌា ទទួលបានជោគជ័យដ៏អស្ចារ្យ។

កម្ពុជា មានមោទនភាពក្នុងការបានទទួលបានជោគជ័យដ៏អស្ចារ្យនៅក្នុងកម្មវិធីប្រឡង Mister Universe និង Mister Teen Universe 2025 ដែលបានរៀបចំនៅទីក្រុង Lucknow ប្រទេសឥណ្ឌាកាលពីថ្ងៃទី១៧ សីហា ២០២៥។

លោក មឿន លីហេង បានឈ្នះជ័យលាភី Mister Teen Universe 2025, ដែលជាកិត្តិយសដ៏អស្ចារ្យសម្រាប់កម្ពុជា។

លោក កាវិន ក៏បានសម្រេចបានជោគជ័យយ៉ាងអស្ចារ្យ ដោយទទួលបានតំណែងលំដាប់ទី៣ Mister Universe 2025, ធ្វើឱ្យកម្ពុជាកាន់តែរីកចម្រើនលើឆាកអន្តរជាតិ និងទទួលបានពានរង្វាន់កិត្តិយស Mister Stylist Icon ថែមទៀតផង។

ជ័យជំនះនេះជាជំហានដ៏សំខាន់ សម្គាល់ពីវត្តមានរបស់កម្ពុជាដែលកាន់តែមានឥទ្ធិពលក្នុងពិភពប្រឡងសម្ផស្សបុរសអន្តរជាតិ ហើយបង្ហាញពីទេពកោសល្យ វិន័យ និងសម្រស់មានអារម្មណ៍របស់តំណាងកម្ពុជា។

អ្នកឈ្នះទាំងពីរនឹងត្រឡប់មកដល់កម្ពុជាវិញ ថ្ងៃទី ២២ សីហា ២០២៥ ម៉ោង ៦:៣០ ល្ងាច នៅ អាកាសយានដ្ឋានអន្តរជាតិភ្នំពេញ។

ក្រុមគាំទ្រ អ្នកប្រកាសព័ត៌មាន និងប្រជាពលរដ្ឋនឹងរង់ចាំពិធីទទួលស្វាគមន៍យ៉ាងកក់ក្ដៅ។

សូមអបអរសាទរ លោក មឿន លីហេង និង លោក កាវិន ដែលបាននាំមកនូវកិត្តិយសដ៏អស្ចារ្យឱ្យប្រទេសកម្ពុជា!