Mister International Cambodia 2024, លោក រីសុវណ្ណៈ និងកញ្ញា Det Sreyneat បេក្ខនារី Miss Lakamo 2025 រួមដើរបង្ហាញម៉ូតសម្លៀកបំពាក់អន្តរជាតិ (GSFW) នៅទីក្រុងហាណូយ ប្រទេសវៀតណាម
ភ្នំពេញ, [១២ មីនា ២០២៥] – លោក រី សុវណ្ណៈ (Mr.RY Sovannak) Mister International Cambodia 2024 និងកញ្ញា Det Sreyneat បេក្ខនារី Miss Lakamo 2025 នឹងធ្វើដំណើរទៅចូលរួមកម្មវិធីបង្ហាញម៉ូតសម្លៀកបំពាក់សិស្សនិស្សិតអន្តរជាតិ (Global Student Fashion Week – GSFW) ដែលនឹងប្រព្រឹត្តទៅនៅទីក្រុងហាណូយ ប្រទេសវៀតណាម ចាប់ពីថ្ងៃទី ១៥ ដល់ថ្ងៃទី ១៧ ខែមីនា ឆ្នាំ ២០២៥។
កម្មវិធី GSFW គឺជាព្រឹត្តិការណ៍បង្ហាញម៉ូតសម្លៀកបំពាក់ដ៏ធំមួយ ដែលប្រមូលផ្តុំអ្នករចនាម៉ូដសម្លៀកបំពាក់សិស្សនិស្សិតមកពីជុំវិញពិភពលោក ដើម្បីបង្ហាញស្នាដៃច្នៃប្រឌិតរបស់ពួកគេ។ ការចូលរួមរបស់តារាកម្ពុជា នឹងបង្ហាញពីទេពកោសល្យ និងភាពច្នៃប្រឌិតរបស់កម្ពុជាលើឆាកអន្តរជាតិ។
លោក RY Sovannak បានបង្ហាញពីអារម្មណ៍រំភើបរីករាយរបស់លោកចំពោះការចូលរួមក្នុងកម្មវិធីនេះថា៖ “ខ្ញុំពិតជារំភើបណាស់ដែលបានតំណាងឱ្យប្រទេសកម្ពុជាក្នុងកម្មវិធី GSFW ។ នេះគឺជាឱកាសដ៏ល្អមួយសម្រាប់ខ្ញុំក្នុងការបង្ហាញពី ទំនាក់ទំនង ការផ្លាស់ប្តូរបទពិសោធន៍ និងភាពស្រស់ស្អាតរបស់កម្ពុជា ទៅកាន់ពិភពលោក។”
កញ្ញា Det Sreyneat ក៏បានបន្ថែមទៀតថា៖ “នាងខ្ញុំនឹងលើកទង់ជាតិកម្ពុជាម្តងទៀតទៅកាន់ពិភពលោក! នាងខ្ញុំពិតជារំភើបដែលត្រូវបានជ្រើសរើសជា តារាបង្ហាញម៉ូតតំណាងអោយ កម្ពុជា នៅឯប្រទេសវៀតណាម ក្នុងចំណោមតារាបង្ហាញម៉ូតជុំវិញពិភពលោក នៅក្នុងកម្មវិធី Global Student Fashion Week !
ក្រៅពីលោក រី សុវណ្ណៈ (Mr.RY Sovannak) និងកញ្ញា Det Sreyneat ក៏មានតារាបង្ហាញម៉ូត ជាច្រើនរូបទៀត នឹងចូលរួមក្នុងកម្មវិធីនេះផងដែរ។ ពួកគេនឹងដើរម៉ូដ និងចូលរួមក្នុងសកម្មភាពផ្សេងៗទៀតក្នុងកម្មវិធី។
ការចូលរួមរបស់តារាកម្ពុជាក្នុងកម្មវិធី GSFW នេះ នឹងជួយលើកកម្ពស់វិស័យម៉ូដសម្លៀកបំពាក់ និងបង្ហាញពីទេពកោសល្យឆ្នៃម៉ូតពិសេសៗ ទៅកាន់ពិភពលោក។
ព័ត៌មានបន្ថែម:
- កម្មវិធី៖ Global Student Fashion Week (GSFW)
- ទីកន្លែង៖ ទីក្រុងហាណូយ ប្រទេសវៀតណាម
- កាលបរិច្ឆេទ៖ ថ្ងៃទី ១៥ ដល់ថ្ងៃទី ១៧ ខែមីនា ឆ្នាំ ២០២៥
- តារាកម្ពុជាចូលរួម៖ លោក រី សុវណ្ណៈ (Mr. RY Sovannak), កញ្ញា ដេត ស្រីណែត (Det Sreyneth) និងតារាជាច្រើនរូបទៀត។
