(វីដេអូ) មួយម៉ាត់របស់ ឆន សុវណ្ណារាជ ធ្វើឱ្យ ថុល សុភិទិ ហូរទឹកភ្នែកច្រោកៗលើឆាកមុខអ្នកគាំទ្រ

ពិតណាស់ កម្មវិធីប្រឡងចម្រៀង Cambodian Idol រដូវកាលទី ៤ ក្នុងសប្ដាហ៍ទី ៤ នៃវគ្គ Live Show នេះ បេក្ខភាព ថុល សុភិទិ កាន់តែធ្វើឱ្យមហាជន ក៏ដូចជាគណៈកម្មការមានការភ្ញាក់ផ្អើលខ្លាំងចំពោះសមត្ថភាពរបស់លោក ខណៈបានលើកយកបទចម្រៀងបរទេសមួយបទ គឺ «Inter Sandman» បែបចង្វាក់រ៉ក់ ស្រែកច្រៀងឡើងផ្អើលឆាក ធ្វើឱ្យគណៈកម្មការ និង អ្នកគាំទ្រស្រែកហ៊ោតាមគ្រប់គ្នា។

ក្រោយពីបង្ហាញសមត្ថភាពជាមួយបទចម្រៀងបរទេសមួយនេះហើយ ថុល សុភិទិ ទទួលបានធ្វើការបញ្ចេញមតិជាច្រើនពីគណៈកម្មការទាំង ៤ រូប ដែលសុទ្ធសឹងពាក្យសរសើរពេញៗមាត់ ជាពិសេសគណៈកម្មការ លោក ឆន សុវណ្ណារាជ បញ្ចេញមតិលើកសរសើរចំពោះលោកខ្លាំង រហូតធ្វើឱ្យ ថុល សុភិទិ ហូរទឹកភ្នែកច្រោកៗចំពោះមុខមហាជនពេញដោយក្ដីរំភើប។

ក្នុងនោះ ពាក្យពេចន៍ដែល គណៈកម្មការ ឆន សុវណ្ណារាជ បាននិយាយរៀបរាប់សរសើរចំពោះ សុភិទិ ជាកូនខ្មែរមួយរូបដែលអាចបកស្រាយបទចម្រៀងបរទេសមួយដែលខ្លាំង ដោយគិតថាមានតែជនជាតិបរទេសទេអាចធ្វើបាន ប៉ុន្តែលោក សុភិទិ ជាកូនខ្មែរម្នាក់ដែលអាចបកស្រាយបានយ៉ាងអស្ចារ្យ ជាហេតុផលធ្វើឱ្យលោកអាចឆក់បានបេះដូង និងការគាំទ្រខ្លាំងពីមហាជន៕