Miss Cambodia 2024 នាំមកជូនលោកអ្នកដោយ CSNJ CO., LTD មានវគ្គវិញ្ញាសារពិសេស នៅថ្ងៃទី១៧ ខែសីហា ឆ្នាំ២០២៤ នៅ Hall 2 នៅរោងភាពយន្ត Legend Cinema ជាន់ទី៦ នៃផ្សារទំនើបអូឡាំព្យាម៉ល
កាន់តែពិសេសឆ្នាំនេះសម្រាប់កម្មវិធី Miss Cambodia 2024 បានបន្ថែមវិញ្ញាសារពិសេស សម្រាប់បេក្ខភាព Miss Cambodia 2024 ដើម្បីជ្រើសរើសបាននូវបេក្ខភាពតាមស្តង់ដារកម្មវិធីថ្នាក់អន្តរជាតិ
កម្មវិធី Miss Cambodia 2024 នាំមកជូនលោកអ្នកដោយ CSNJ CO., LTD.
បន្ទាប់ពីវគ្គបង្ហាញបេក្ខភាពផ្លូវការកាលពី វគ្គបង្ហាញដំបូង ជាមួយការនិយាយអំពី ការតស៊ូមតិរួចមក សង្កេតឃើញថា បេក្ខភាពសុទ្ធតែមានសមត្ថភាពខ្លាំង និងចំនេះដឹងទូលំទូលាយ ជាពិសេសបេក្ខភាពទាំងអស់ស្រស់ស្អាត និងមានភាពជឿជាក់ខ្លាំងផងដែរ។
ហើយបច្ចុប្បន្ននេះបេក្ខភាពផ្លូវការទាំង ២១រូបនៃកម្មវិធីកញ្ញាឯកកម្ពុជាឆ្នាំ២០២៤ កំពុងត្រៀមបញ្ចេញសមត្ថភាព និងភាពឆ្លាតវ័យ ដើម្បីពន្យល់អត្ថន័យស៊ីជម្រៅនៃពាក្យគន្លឹះសំខាន់ៗ ក្នុងវិញ្ញាសារ Keyword Challenge ជាវិញ្ញាសារថ្មីដែលអ្នករៀបចំកម្មវិធីបានដាក់បញ្ចូលក្នុងការប្រកួតនាឆ្នាំនេះ។
គណៈកម្មការជំនាញចំនួន 7 រូប នឹងចូលរួមពិនិត្យវិនិច្ឆ័យការពន្យល់បកស្រាយរបស់បេក្ខភាពនីមួយៗ ដើម្បីស្វែងរកបេក្ខភាពដ៏មានសក្កានុពលក្នុងវិញ្ញាសារ Keyword Challenge នេះ។
រោងភាពយន្តទំនើប Legend Cinema សាខាផ្សារទំនើបអូឡាំព្យាម៉ល បានផ្តល់ទីតាំងដ៏ធំទូលាយសម្រាប់ការប្រកួតវិញ្ញាសារ Keyword Challenge។ បេក្ខភាពកញ្ញាឯកកម្ពុជាឆ្នាំ២០២៤ នឹងទទួលបានបទពិសោធន៍ថ្មីប្លែកជាមួយការប្រកួតក្នុងសាលបញ្ចាំងភាពយន្ត ដែលបំពាក់បច្ចេកទេសទំនើប អមដោយផ្ទាំងសំពត់សរដ៏ធំស្កឹមស្កៃ ត្រៀមបង្ហាញ Keyword ដែលបេក្ខភាពត្រូវពន្យល់ម្តងម្នាក់ៗ។
តើអ្នកត្រៀមខ្លួនហើយឬនៅ? សម្រាប់ទស្សនាការប្រកួតវិញ្ញាសារដ៏លំបាក Keyword Challenge នៅថ្ងៃទី១៧ ខែសីហា ឆ្នាំ២០២៤ នៅ Hall 2 នៃរោងភាពយន្ត Legend Cinema ជាន់ទី៦ នៃផ្សារទំនើបអូឡាំព្យាម៉ល ចាប់ពីម៉ោង១រសៀលតទៅ។
ចង់ដឹងថា សមត្ថភាពបេក្ខភាព Miss Cambodia 2024 ខ្លាំងក្លាកម្រិតណា កុំភ្លេចរង់ចាំតាមដានការ live ផ្ទាល់ការប្រកួតវិញ្ញាសារ Keyword Challenge លើទំព័រហ្វេសប៊ុកផ្លូវការ Miss Cambodia ឬអាចចូលរួមទស្សនាការប្រកួតដោយស៊េរីនៅរោងភាពយន្ត Legend Cinema!
Official Live Stream by D Channel
Organize by CIM
