នៅទីបំផុត កញ្ញា ប៊ី សុធារី បានក្លាយជាម្ចាស់មកុដតំណាងឱ្យខេត្ត កំពង់ឆ្នាំ ក្នុងការចូលរួមប្រកួត Miss Grand Cambodia 2024
ប៊ី សុធារី – Sotheary Bee បានក្លាយជាម្ចាស់មកុដបវកញ្ញាឯកដ៏អស្ចារ្យនៃខេត្ដ កំពង់ឆ្នាំង ២០២៤ (Miss Grand Kampong Chhnang 2024) ដើម្បីត្រៀមខ្លួនចូលរួមប្រកួតថ្នាក់ជាតិ Miss Grand Cambodia 2024
នៅទីបំផុត កញ្ញា ប៊ី សុធារី បានក្លាយជាម្ចាស់មកុដតំណាងឱ្យខេត្ត កំពង់ឆ្នាំ ក្នុងការចូលរួមប្រកួត Miss Grand Cambodia 2024បន្ទាប់ពីឆ្លងកាត់វគ្គប្រកួតរយៈពេល ១៧ ថ្ងៃមកនេះ។
ការប្រកួតបវរកញ្ញាឯកដ៏អស្ចារ្យនៃខេត្ត កំពង់ឆ្នាំង ២០២៤ បានបញ្ចប់ទៅយ៉ាងរលូនកាលពីថ្ងៃទី ១០ ខែ កុម្ភះ កន្លងមកនេះ ដោយមានវត្តមាន បវរកញ្ញា , សិល្បករ និងស្ថាប័នធំៗជាច្រើនចូលរួមអបអរសាទរ ។ កញ្ញា ប៊ី សុធារី គឺជាម្ចាស់មកុដ Miss Grand Kampong Chhnang ដែលទទួលបានពិន្ទុល្អជាងគេពីគណកម្មការធំៗជាច្រើន ។
គួរបញ្ជាក់ផងដែរថាកញ្ញា ប៊ី សុធារី Bee Sotheary ទទួលបានពានរង្វាន់ និងជោគជ័យជាច្រើនលើឆាកជាតិ និងអន្តរជាតិ ក្នុងការចូលរួមការប្រកួត ដែលមានដូចជា
- 2nd runner up Cambodia New Star Model 2013
- 1st runner up Miss Tourism Queen Cambodia 2013
- Miss Tourism Cambodia 2013
- Asian Model Festival Cambodia 2013
- Miss Southeast Asian Cambodia 2014
- Super Model Cambodia 2015
- 2nd runner up Super Model International 2015
- Miss Cambodia 2016
- Miss Universe Cambodia 2017
- Miss Charm Cambodia 2021/2022/2023
- Miss Grand Kampong Chhnang 2024
កញ្ញា ខាត់ ស្រីច័ន្ទ ដែលជា PD ផ្តាច់មុខនៃការរៀបចំការប្រកួតដើម្បីជ្រើសរើសបេក្ខភាពតំណាង ខេត្ត កំពង់ឆ្នាំង បានបញ្ជាក់ប្រាប់ថា បេក្ខភាពដែលជាម្ចាស់មកុដ Miss Grand Kampong Chhnang គឺមានចំណុចពិសេសជាច្រើនដែលទាក់ចិត្តគណកម្មការ ហើយកញ្ញាមានចរិតស្រដៀងទៅនិងរូបនាងផងដែរ ។ ឆ្លងកាត់នៃការរៀបចំការប្រកួតនេះអស់ពេលជាច្រើនថ្ងៃ កញ្ញា ខាត់ ស្រីច័ន្ទ ដែលជា PD តំណាងខេត្ត កំពង់ឆ្នាំង បានរៀបរាប់ពីផលលំបាកជាច្រើននៅក្នុងការរៀបចំការប្រកួតនេះទំរាំតែជ្រើសរើសបានបេក្ខភាពដ៏ល្អម្នាក់ចូលរួមប្រកួត Miss Grand Cambodia 2024 ។
កញ្ញា ប៊ី សុធារី បានត្រៀមខ្លួនរួចជាស្រេចដើម្បីចូលរួមប្រកួតថ្នាក់ជាតិក្នុងការប្រកួត Miss Grand Cambodia 2024 ដែលនឹងរៀបចំឡើងជាផ្លូវការក្នុងអំឡុងពាក់កណ្តាលឆ្នាំ ២០២៤ នេះ ។
កញ្ញា ខាត់ ស្រីច័ន្ទ នៅតែអះអាងថា នាងនឹងជួយជំរុញ កញ្ញា ប៊ី សុធារី ដែលជាម្ចាស់មកុដ Miss Grand Kampong Chhnang ឱ្យកាន់តែល្បីល្បាញ និងលេចធ្លោក្នុងការប្រកួត Miss Grand Cambodia 2024 ៕
