កញ្ញា Dam Sopheak Sindy Miss Planet International Cambodia អាចមានឱកាសចូលTOP ហើយដណ្តើមយកមកុដបានច្រើន

កញ្ញា Dam Sopheak Sindy Miss Planet International Cambodia អាចមានឱកាសចូលTOP ហើយដណ្តើមយកមកុដបានច្រើន ដោយសារកញ្ញាមានបទពិសោធន៍ច្រើនក្នុងវិស័យ ប្រកួតប្រជែងសម្រស់មួយនេះជាច្រើនដែលកញ្ញាធ្លាប់ជាបរវកញ្ញាតំណាងកម្ពុជាMiss Earth Cambodia 2021, និង 3rd Runner Up Miss Glamour Look International ផងដែរ។

កញ្ញា Dam Sopheak Sindy បានត្រៀមរួចរាល់ជាស្រេចសម្រាប់វេទិការមួយនេះ ទាំងឈុតតំណាងជាតិ និងឈុតevening gown ដ៏ស្រស់ស្អាត លើសពីនេះកញ្ញាបានវឹកហាត់ការដើរ Q&A បានយ៉ាងល្អ យើងសង្ឃឹមយ៉ាងមុតមាំថាកញ្ញានឹងមានឱកាសណាមួយចូល TOP ហើយដណ្តើមយកមកុដតែម្តង។

លោក RY Sovannak (MC Sovannak) ដែលជាពិធីករ និងCEO D channel បានសរសើរពីភាពស្រស់ស្អាត ភាពទាក់ទាញ របស់កញ្ញា Dam Sopheak Sindy លើសពីនេះលោកបន្តទៀតថា កញ្ញា Dam Sopheak Sindy មានអត្តចរិតល្អ សុភាពរាបសារ រឹងមាំ មានការតាំងចិត្តខ្ពស់ និងតស៊ូផងដែរ។

កម្មវិធីបវរកញ្ញាឯកភពផែនដីអន្តរជាតិឆ្នាំ២០២៣ លើកទី៣នេះ គឺមានលក្ខណៈធំជាងរាល់ដង ដោយសារលើកនេះមានបេក្ខនារីចូលរួមចន្លោះពី ៤៥ ទៅ ៥៥ប្រទេស ដើម្បីប្រូម៉ូតវិស័យទេសចរ វប្បធម៍ជាតិ និងបរិស្ថានទៅកាន់ពិភពលោក។

សូមបញ្ជាក់ថា កម្មវិធីបវរកញ្ញាឯកភពផែនដីអន្តរជាតិឆ្នាំ២០២៣ (Miss Planet International 2023)​ ផ្តាច់ព្រ័ត្រនៅថ្ងៃទី ១៩ ខែ វិច្ឆិកា ឆ្នាំ២០២៣ នៅវេលាម៉ោង៧យប់ នៅសាលមហោស្រពកោះពេជ្រ និងមានការផ្សាយផ្ទាល់លើទូរទស្សន៍បាយ័ន្តផងដែរ។៕