បវរកញ្ញាទេសចរណ៍កម្ពុជាឆ្នាំ២០២៣ សេន ស្រីឡី ទៅប្រកួតប្រជែងក្នុងកម្មវិធី Miss Tourism International 2023 នៅប្រទេសម៉ាឡេស៊ី រួមជាមួយនឹងបេក្ខភាពជាច្រើនមកពីជុំវិញពិភពលោក

កញ្ញា Sen Sreyley ( សេន ស្រីឡី ) បវរកញ្ញាទេសចរណ៍កម្ពុជាឆ្នាំ២០២៣ ទៅប្រកួតប្រជែងក្នុងកម្មវិធី Miss Tourism International 2023 នៅប្រទេសម៉ាឡេស៊ី រួមជាមួយនឹងបេក្ខភាពជាច្រើនមកពីជុំវិញពិភពលោក។

សេន ស្រីឡី ដែលត្រូវបានជ្រើសរើសជាបេក្ខភាពតំណាងកម្ពុជាសម្រាប់ Miss Tourism Cambodia 2023 បានបង្ហាញពីភាពលេចធ្លោមួយជាមួយនឹងភាពស្រស់ស្អាត ភាពថ្លៃថ្នូរ និងចំណេះដឹងទូលំទូលាយអំពីបេតិកភណ្ឌវប្បធម៌ដ៏សម្បូរបែបរបស់កម្ពុជា។ នាងរំភើបចិត្តក្នុងការតំណាងប្រទេសរបស់នាងនៅលើឆាកអន្តរជាតិ ហើយកញ្ញានឹងប្រើប្រាស់ឱកាសនេះដើម្បីផ្សព្វផ្សាយពីតំបន់ទេសចរណ៍ពិសេសៗរបស់កម្ពុជាទៅកាន់ពិភពលោក។

កញ្ញា Sen Sreyley ( សេន ស្រីឡី ) Miss Cambodia Tourism 2023 បានចេញដំណើរទៅម៉ាឡេស៊ីកាលពីព្រឹកថ្ងៃទី ១០វិច្ឆិកា ២០២៣ ដើម្បីចូលរួមប្រកួតលើឆាកអន្តរជាតិកម្មវិធី 𝗠𝗶𝘀𝘀 𝗧𝗼𝘂𝗿𝗶𝘀𝗺 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝟮𝟬𝟮𝟯 𝗪𝗼𝗿𝗹𝗱 𝗙𝗶𝗻𝗮𝗹។ កម្មវិធីប្រកួតវគ្គផ្តាច់ព្រ័ត្តនៅថ្ងៃទី ២៥ វិច្ឆិកា ២០២៣ នៅវេលាម៉ោង៧យប់ ម៉ោងនៅម៉ាឡេស៊ី និងត្រូវម៉ោង ៦ល្ងាចម៉ោងនៅកម្ពុជា។ សម្រាប់រយៈពេលការប្រកួត Miss Tourism International 2023 ចាប់ផ្តើមពីថ្ងៃទី. ១០ដល់ទី២៧ វិច្ឆិកា ២០២៣ ដែលមានបេក្ខភាពមកពីប្រទេសជាច្រើនជុំវិញ ពិភពលោក។ កម្មវិធីនេះធ្វើឡើងនៅ Sabah International Convention Centre – SICC ដែលមានការគាំទ្រពីក្រសួងទេសចរណ៍ វប្បធម៌ និងបរិស្ថាននៃ Sabah.