ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពី ស្ថានភាពធាតុអាកាសក្នុងព្រះរាជាណាចក្រកម្ពុជា សម្រាប់ថ្ងៃទី០៧ ខែវិច្ឆិកា ឆ្នាំ២០២៣

ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពី ស្ថានភាពធាតុអាកាសក្នុងព្រះរាជាណាចក្រកម្ពុជា សម្រាប់ថ្ងៃទី០៧ ខែវិច្ឆិកា ឆ្នាំ២០២៣។

ក្រសួងបញ្ជាក់ថា ប្រព័ន្ធសម្ពាធខ្ពស់ពីប្រទេសចិនបានលាតសន្ធឹងមកលើភាគខាងជើង និងភាគឦសាននៃព្រះរាជាណាចក្រកម្ពុជា រួមជាមួយនឹងខ្យល់មូសុងឦសានខ្សោយ។

ទន្ទឹមនឹងនេះ មានចរន្តខ្យល់ក្តៅ ហើយសើមពីសមុទ្រចិនខាងត្បូងនឹងបក់ពីទិសខាងកើត និងទិសអាគ្នេយ៍មកលើប្រទេសកម្ពុជា។

ស្ថានភាពបែបនេះនឹងធ្វើឱ្យអាកាសធាតុនៅថ្ងៃទី 7 ខែវិច្ឆិកា ឆ្នាំ 2023៖

១-តំបន់វាលទំនាប៖
សីតុណ្ហភាពអប្បបរមាពី២៤-២៦°C និងសីតុណ្ហភាពអតិបរមា មានពី៣០-៣៤°C ហើយមានខ្យល់បក់ពីទិសឦសាន ទិសខាងកើត និងទិសអាគ្នេយ៍ក្នុងល្បឿនពី ១-៣ម៉ែត្រ/វិនាទី

ភ្លៀងលាយឡំជាមួយនឹងផ្គរ រន្ទះ និងខ្យល់កន្ត្រាក់ ក្នុងកម្រិតពីតិចទៅបង្គួរលើរាជធានីភ្នំពេញ និងបណ្តាខេត្តមួយចំនួននៅភូមិភាគពាយ័ព្យ ភាគខាងត្បូង និងភាគអាគ្នេយ៍នៃប្រទេសកម្ពុជា ដែលអាចគ្របដណ្តប់លើផ្ទៃដីពី ១០% ទៅ ៣០% នៃផ្ទៃដី។

២-តំបន់ខ្ពង់រាប៖
សីតុណ្ហភាពអប្បបរមា មានពី២២-២៤°C និងសីតុណ្ហភាពអតិបរមា មានពី៣០-៣៤°C និងមានខ្យល់បក់ពីទិសឦសាន និងខាងកើត ក្នុងល្បឿន ១-៣ម៉ែត្រក្នុងមួយវិនាទី។

ភ្លៀង​ធ្លាក់​ពី​មធ្យម​ទៅ​បង្គួរ​លើ​ខេត្ត​ត្បូងឃ្មុំ កំពង់ចាម ក្រចេះ ព្រះវិហារ និង​ស្ទឹងត្រែង ដែល​អាច​គ្រប​ដណ្តប់​ពី ១០% ទៅ ២០%។

៣-តំបន់មាត់សមុទ្រ៖
សីតុណ្ហភាពអប្បបរមា មានពី ២៤-២៧°C និងសីតុណ្ហភាពអតិបរមា ៣០-៣២°C និងមានខ្យល់បក់ពីទិសឦសាន និង​ទិស​ខាង​កើត​មាន​កម្ពស់ ១-៣ ម៉ែត្រ/វិនាទី

ភ្លៀង​ធ្លាក់​ក្នុងកម្រិតពីមធ្យមទៅបង្គួរ ​លាយឡំ​ជាមួយ​​ផ្គរ​រន្ទះ ដែល​អាច​គ្រប​ដណ្តប់​លើផ្ទៃដីពី ២០% ទៅ ៣០%។

ចំណែកឯ នៅលើផ្ទៃសមុទ្រ អាចមានភ្លៀងធ្លាក់ពីតិចទៅបង្គួរ លាយឡំជាមួយផ្គររន្ទះ និងខ្យល់កន្ត្រាក់ ហើយខ្យល់បក់ពីភាគខាងត្បូង និងខាងកើតក្នុងល្បឿន ១-៣ម៉ែត្រ/វិនាទី និងរលកសមុទ្រមានកម្ពស់ពី ០.៥-១ម៉ែត្រ។