ជាប្រវត្តិសាស្រ្តទីពីរហើយដែលលោកKelvan Foxបានក្លាយជាម្ចាស់ម្កុដMAN OF THE GLOBE 2022
កម្ពុជាពិតជាមានមោទនភាពណាស់ចំពោះលោក Kelvan Fox ដែរជាតារាម៉ូដែលដែលមានសមត្តភាព បានក្លាយជាម្ចាស់ជ័យលាភីMAN OF THE GLOBE INTERNATIONAL 2022 នៅប្រទេសម៉ាឡេស៊ីកាលពីម្សិលមិញនេះ។
ក្រោយពីការប្រកាសលទ្ធិផលជ័យលាភីរួចមកឃើញថាលោកKelvan Fox ពិតជាមានភាពសប្បាយរីករាយនិងរំភើបជាខ្លាំងបន្ទាប់ពីលោកក្លាយជាMAN OF THE GLOBE INTERNATIONAL 2022។សូម្បីតែលោក ម៉ែន និមលរតន៍ ដែលជានាយកប្រតិបត្តិ CIM Stars ជាអ្នកគ្រប់គ្រងនិងជាអ្នកបញ្ជូនតារាម៉ូដែលទៅប្រកួតខាងលើនេះ ក៏លោកបានសម្តែងនូវភាពសប្បាយរីករាយ និងត្រេកអរជាខ្លាំងរហូតស្រក់ទឹកភ្នែក ព្រោះថាវាជាភាពជោគជ័យមួយដែរមិនអាចកាត់ថ្លៃបាន។
មិនត្រឹមតែប៉ុណ្ណោះទេឃើញថាមានតារាម៉ូដែលល្បីៗនិងអ្នកគាំទ្រជាច្រើនបានLike ក៏ដូចជាComment នូវពាក្យជូនពរ និងចូលរួមត្រេកអរដល់លោកផងដែរ។
ដូចអ្វីដែលលោកបាននិយាយអីចឹងលោកបានត្រៀមខ្លួនរួចជាស្រេចព្រមមកជាមួយ ទាំងរូបសម្រស់ លក្ខណៈសម្បត្តិ បទពិសោធន៍ ភាពជឿជាក់ ជំនឿចិត្ត និងធនធាន សម្រាប់ការប្រកួតមួយនេះ ហើយលោកនឹងប្រឹងប្រែងធ្វើវាឲបានល្អនិងអស់ពីសមត្តភាព ថែមទាំងប្តាច់ជ្ញានឹងនាំមកឲប្រទេសកម្ពុជាវិញនូវម្កុដដែលដំណាងឲ MAN OF THE GLOBE INTERNATIONAL 2022 ទីបំផុតលោកក៏ធ្វើបានមែន។
ហើយវាក៏ជាជ័យលាភីទីពីរហើយដែលកម្ពុជាយើងទទួលបានដោយម្កុដទីមួយជាម្កុដរបស់កញ្ញាសារី ស្រីពេជ្រ MISS PITITE GLOBAL 2022 និងជ័យលាភីទីពីររបស់លោក Kelvan Fox MAN OF THE GLOBE INTERNATIONAL 2022។
គួរបញ្ជាក់ថាមួយរយៈពេលចុងក្រោយនេះវិស័យបង្ហាញម៉ូដនៅក្នុងប្រទេសកម្ពុជាកាន់តែទទួលបានជោគជ័យជាលំដាប់និងទទួលបានការគាំទ្រច្រើនជាកត់សម្គាល់។
សូមបញ្ជាក់ថាលោកចេញដំណើទៅប្រកួតកាលពីថ្ងៃទី០៥ខែសីហាឆ្នាំ២០២២ហើយលោកនឹងត្រឡប់មកកម្ពុជាវិញនៅថ្ងៃទី១២ខែសីហាឆ្នាំ២០២២នាវេលាម៉ោង១០នាទីព្រឹក។ដូច្នេះអ្នកគាំទ្រអាចទៅទទួលលោកនៅអាកាសយានដ្ផានអន្តរជានភ្នំពេញបាន។
